ولا فارق…
إيه يعني جمعتهم؟ ولا فارق… أدام الحق معاهم، مش فارق… وتغور وياهم المصلحة واللمة، ياما كلنا معاهم عيش وملح، ولا فارق.
العويل واللي لسانه عمال على الفاضي طويل، وخائن المجلس، وعن كلمة الحق يبان هزيل، واللي ملوش وصف، وعلى كل الموائد ضيف أصيل، وأبو ضحكة بين الودنين، ولون الدم في قلبه أصفر، واللي ملوش لون، وكل دوره إنه يطير، زي العصافير بيلقط كلام مش حب، والغريبة إنه بيعمل دوره ده عن حب!
صدقني… ابعد عنهم، معرفتهم ما تسر القلب، فبعدك عنهم نعمة، تحمي نفسك وترضي الرب.