في حكمه اتقالتلى : "آمني بقوة الزمن.. الزمن كفيل يعرّف كل إنسان غلطُه".
الجملة دي عظيمة بجد..
بشكل عام أي حد ظلمك في يوم من الأيام بأي شكل من الأشكال حتما ولابد الزمن يعرّفه غلطُه، اوعى تفتكر عشان شايفُه مبسوط دلوقتي وحياته زي الفل إن دي النهاية خلاص! الدنيا دوّارة.. ماتحكمش ع الفيلم من لقطة، وماتقعدش مستني تشوف انتقام ربنا منه، فوق لحياتك واخلق احلام جديدة، واقفل الملف ده من حياتك بس خليك متأكد إن حقك جاي، في عز ما انت ربنا معوضك خير عن كل لحظة اتوجعت فيها.. الزمن كفيل يعرّف أي حد غلطُه.