recent
أخبار ساخنة

بني هلال

الصفحة الرئيسية


..

علمونا في الأدب

والي انكتب جوه الكتب

سيرة أبو زيد في أعلى منزلة

و"بني هلال" أهل شهامة حلو المسألة

من غيرهم

أحوالنا تبقى متبهدلة

ورقبتنا تحت المقصلة

في مهانة ومهزلة

أبو زيد فارس الفرسان

وحامي البلدان

في مصر والقيروان

ياريت نصحى من الوهم

ونكتب من تاني

مين المجني عليه ومين الجاني ؟

مين اللي خطف العباد

اللي قتل

اللي سرق

اللي نهب

واللي بيرهب البلاد

زي اللي حصل مع " المعز بن باديس"

والخطف في تونس والحجاز

أسئلة ... وإلغاز!

مين يقرا ومين يسمع!

فات زمن السكوت 

"بني هلال" هدمت مدن وبيوت 

بكل خسة وجبروت

ليه نخلي؟ 

"الراوي" يمسك زمامنا!

يكون امامنا!

واحنا وراه 

شبه عميان

نغني للسجان 

واللي خان 

دول ابطال شجعان!

بقلم ا.د ..وجيه جرجس

google-playkhamsatmostaqltradent