recent
أخبار ساخنة

مش جوازة والسلام - نورهان عامر

الصفحة الرئيسية


 مش جوازة والسلام - نورهان عامر

مش جوازة والسلام لمجرد تغيير اللقب.

مش جوازة والسلام لمجرد تغيير لقب( أنسة) إلي ( مدام) ، أو حرم( فلان).

مش جوازة والسلام لمجرد أنك تستريحي من كلام الناس ونظراتهم ليكي.

مش جوازة والسلام عشان تريح أبوك وأمك.

مش جوازة والسلام وأنت مش قد المسئولية دي.

مش جوازة والسلام وأنتوا مش قد تربية ولاد وبنات في مجتمع بتغريه الفتن من كل ناحية.

لو مش قد الجواز متتجوزوش، لو مش قد الخلفة متخلفوش.

المجتمع مش هيحصله حاجة لما يزيد العدد واحد،بس هيحصل كوارث أكتر ،لما نلاقي أن مفيش تغيير بيحصل للأفضل جوه كل واحد فينا،لما عقول الناس تتغير،ويبطلوا يكونوا copy..paste

نظام التقليد الأعمى بلا وعي هو اللي ماشي دلوقتي بكل أسف،لغينا شخصياتنا، بقينا ممسوحين ومسلوبين الإرادة.

متبصش لأبنك علي أنه ( سي السيد) وأخته هي ( أمينة).

متبصيش لبنتك أنها فاتها القطر لمجرد أنها مش لاقية اللي دماغه شبه دماغها،وعقله يشبه عقلها.

متجوزيش الشخص الأتكالي اللي يشوفك تعبانة ومرهقة ويقولك ( قومي سخنيلي الأكل) .

متجوزش اللي بتبص علي جارتها وتقولك هاتلي زيها.

كفاية أولاد غير سوية بتيجي المجتمع ده،ويبصوا علي فلان وعلان،ويحسوا أنهم أقل منهم في كل حاجة.

كفاية عدم تحمل مسئولية لنهاية الطريق.

لو هتجوزوا وتخلفوا حطوا في بالكوا تطلعوا ولادكم أسوياء نفسياً.

لازم تربوهم علي الوعي والثقافة،وأنهم ميكونوش بغباغانات بتردد أي حاجة.

مش أي حد يقولهم حاجة يقولوا علي طول بعدها( آمين).

google-playkhamsatmostaqltradent